نَبْكِي أَنَا عْلَى فْرَاقْ مُحَمَّدْ مَانِي بَاكي عْلَى بْلاَدْ تْجُورْ عْلِيَّا ناس الغيوان
لم يحدث في تاريخ الأغنية المغربية أن التفت الجماهير من أبناء الشعب المغربي الوفي الصبور من طبقة المستضعفين المسحوقة وأحبت واحتضنت المجموعة المغربية الشهيرة ناس الغيوان، ولا غرابة في ذلك لأن هذه المجموعة المناضلة رأت النور بالحي المحمدي أكبر أحياء مدينة الدار البيضاء، هذا الحي الذي اشتهر بالاستماتة الكبيرة لأبنائه من الرجال الأحرار من المقاومين الشجعان في الدفاع عن كرامة وحرية المغرب، ووحدة أراضيه، واستقلالية قراره حتى الاستشهاد، ولا زالت مقبرة الشهداء المتواجدة بهذا الحي المكافح المناضل تأوي رفاتهم لتكون شهادة لله وللتاريخ على ذلك.
خرجت مجموعة ناس الغيوان للفنون الشعبية إبان حقبة زمنية جد متوثرة وخطيرة بالمغرب، حيث كان الاستبداد والفساد سيد الموقف يفعل ما يشاء وأنى يشاء بالعباد، وقد عُرفت هذه الحقبة من تاريخ المغرب المعاصر بسنوات الرصاص وبسنوات الجمر، سُجن فيها من سُجن وتمت تصفية من تمت تصفيته بعيدا عن أعين وزارة العدل وعن عيون أبناء الشعب الدامعة المتحسرة، ولم يكن لذى المجموعة الغنائية المبدعة لناس الغيوان سوى طريق واحد لحمل مشعل النضال ضد الفساد والاستبداد ألا وهو طريق الفن، فسارت في هذا الدرب المحفوف بكل المخاطر، غير أن الشعب لم يتركها وحيدة تواجه مصيرا مجهولا، بل هب بكل أطيافه لاحتضانها وجعلها ناطقا رسميا باسمه ولسان حاله، لذلك لم يجد المخزن بدا من التعايش مع الظاهرة الغيوانية لأنها أصبحت مفخرة وتراثا وطنيا من طنجة إلى الكَويرة، في كل البيوت، في كل المقاهي، في الحافلات، في السيارات، كانت أصوات هذه المجموعة تصدح مدوية فاضحة الظلم والقهر والاستبداد والفساد، لذلك جاءت الكثير من القصائد التي غنتها مجموعة ناس الغيوان وتغنى بها كل أبناء الشعب المغربي من المستضعفين حزينة ومؤثرة لدرجة كبيرة، وكانت القاعات السينمائية التي تحتضن سهرات هذه المجموعة تمتلأ عن آخرها، بحيث كانت الجماهير الحاضرة تنصهر انصهارا تاما مع الألحان والكلمات المختارة بدقة وعناية فائقة، لأنها وجدت أخيرا من يفهمها ولا يعطيها شيئا، سوى أن يقول لها بدون قوالب ولا لف ولا دوران تلكم الحقيقة المرة عن الظلم والخيانة والمال والسلطة والاستبداد والفساد.
آشْ جْرَى لِيكْ ؟
شَاطْ الـخِيرْ
ضَرَّگْتُوهْ مَا شَفْنَاهْ
اتْعَبْنَا فِيهْ . . . الوَادْ دَّاهْ
فِينْ وُلِينْ دَّاهْ ؟
بُحْتْ بِالسِّرْ وُبِهْ غَنِّيتْ
وَلاَ مَنْ حَدّْ قَالْ آهْ
مَلِّيتْ مَنْ العِيشَة وُمَا عْيِيتْ
وَالطَّمَّاعْ فَالدَّنْيَا لاَ بُدّْ مَنْ عْرَاهْ
الدَّنْيَا مْخُوّْضَة لَعْيُونْ . . . صَفِّينَاهَا
الدَّنْيَا مْنَكّْدَة لَعْقُولْ . . . ارْوِينَاهْا
وُلَوْ كَانْ مُوكَة تْرْجَعْ طْبِيبْ
حَتَّى الضّْـبَعْ يَرْجَعْ حَجَّامْ
وَاشْ جْرَى لِيكْ أَنْتَ
وَاشْ جْرَى لِيكْ أَنْتَ
النَّاسْ غَادْيَة وُتْسَالي
هَمّْهَا فَالْمَالْ عِبَادَة
تْبَدَّلْ حَالْهَا أَيْ لاَلِي
صَبْرُوا مَا اعْطَاوْ إِفَادَة
بْدَا الشَّرّْ يْشَالِي
فَالزّْمَانْ شَهَادَة
الرّْشَاوِي وُضَغْطْ الْمَالْ
دَارْتْ فَالذَّاتْ زْنَادَة
وُمَنْ الْحِيرَة لاَ تْسَالْ
الذُّلّْ لِلذَّاتْ فَعْنَادَة
الرُّوحْ طَلْبَاتْ لَفْصَالْ
فَالزّْمَانْ شَهَادَة
بْنَادَمْ عَقْلُو خَالِي
صَنْدُوقْ خَاوِي فَجْبَادَة
مْعَذَّبْ فْلَحْيَاة وُمَالِي
مَضْرُوبْ بِيدِينْ السَّادَة
نَاكْسْ مَظْلُومْ بْحَـالِي
هَزّْ بِيدِّيهْ الشَّهَادَة
يَكْفَاكْ يَا رَاجَلْ بَالكْبَالْ
هْدِيتْ رُوحِي بَالْعَادَة
خَلِّينِي نْشُوفْ لَجْبَالْ
فَالوَادْ الصَّافِي بَعْبَادَة
اللُّونْ لَبْيَضْ وُلَحْلاَلْ
فَالزّْمَانْ شَهَادَة
الْعَرَبِي يَا الْعَرَبِي
الْعَرَبِي وُعْلَى مْحَايْنُو
وَايْلِي شُغْلَكْ فَايْنُو
وَايْلِي حَقَّكْ فَايْنُو
وَانْتَ دَمَّكْ خَايْنُو
حَتَّى وُلْفَكْ لاَيْحُو
*************
خَلِّينِي
سُبْحَانَ الله . .
شْحَالْ مَنْ حَدّْ بْغَا حَدّْ وُلاَ رَاهْ
لَحْبَابْ وُقْتْ الشَّدَّة غَابُوا
الَخُّوتْ كُلّْهَا دَارْ قْفَلْ لْبَابُو
فَالْحَزَّة وُالضِّيقْ مَا إِتْصَابُو
وَانَا حَالِي غِيرْ زَايْدْ فَتْعَابُو
الْهَمّْ وُالَحْزَانْ غَلَّة نَابْتَة فَتْرَابُو
بَالْحَقّْ نَسْتَاهْلْ أَنَا اللِّي مَا دَارْت للَزّْمَانْ حْسَابُو
غِيرْ سِرْ وُخَلِّينِي ألْخَاوَا خَلِّينِي
غِيرْ سِرْ وُهَنِّينِي أَلْخَاوَا هَنِّينِي
خَلِّينِي لاَحْزَانِي خَلِّينِي لَهْبَالِي
بِينْ الَفْقَايْصْ نْلاَلِي غِيرْ سِرْ وُخَلِّينِي
خَلِّينِي لْمَكْتُوبِي خَلِّيني لَعْيُوبِي
الْهَمّْ دَرْتُو مَحْبُوبِي غِيرْ سِرْ وُخَلِّينِي
خَلِّينِي لَجْرَاحِي لاَيِهَمَّكْ تَرْنَاحِي
وُبْكَايَا وُنْوَاحِي غِيرْ سِرْ وُخَلِّينِي
خَلِّينِي لَسْقَامِي لاَ يِهَمّكْ تَذْمَامِي
نْطِيحْ وُنْوَقَّفْ عْلاَمِي غِيرْ سِرْ وُخَلِّينِي
*************
زَادْ الْهَمّْ
مَا كْفَاكُمْ الكَسْدَة بَالَجْرُوحْ
زَيَّدْتُو القَلْبْ لُلوزِيعَة
بَالرّْفَاقَة الرُّوحْ . .
بْحَقّْ النُّطْقْ . .
بْحَكْمَة لَمْيَازْنْ نْكَافْحْ . .
وُنَكْتَبْ نُطْقِي عْلَى اللُّوحْ
ذَا السَّرّْ الْغَامَقْ لِيكُمْ فَرَّزْتُو
وَالكَنْزْ الْمَخْفِي لِيكُمْ فْتَحْتُو
وبِالاَيَّامْ لاَغِيتْ
مَا كْفَاتْ فِيكُمْ كَلْمَة . . .
وَلاَ غَمْزَة مَنْ عِينْ الحَالْ
الاَيّامْ تْلاَغِي حِيَّانِي وُزَادْ الْهَمّْ حِيَّانِي
الاَمْطَارْ الَغْزِيرَة بْكَايَا فَالَحْجَرْ مَنْقُوشْ كْلاَمِي
تَايْهْ فَدْرُوبْ غِيوَانِي يَا نَاسْ
تْلاَغِي صَبْيَانْ عْرَايَا عْلِيهُمْ ثْقُلْ الَحْدِيدْ
تْلاَغِي الَفْلاَحَة بْلاَ صَابَة وُالصّْبَرْ إِيدَاوِي يَا نَاسْ
نَدَّمْنِي غِيرْ الْمَسْجُونْ بْلاَ عْذَرْ كْفَرْ الَغْدَرْ قَاوْمُو بَالْقْسَاوَة
فَالدَّنْيَا تَاقُو شْطَايْنْ الَعْمَرْ الْوَاعِي قَلْبُو مَا اسْمَعْ وُطاعْ
تْبَعْ هْوَى الفَانْيَة وُخْدَايْعْ لَحْسَرْ بَلْسَانُو طَمَّاعْ جَارِي الَعْدَاوَة
هَا هُوَ لِيكْ مَا بْقَاتْ إِفَادَة
هَا هُوَ لِيكْ الْجَهْلْ تْمَادَى
هَا هُوَ لِيكْ السَّرْقَة عَادَة
هَا هُوَ لِيكْ مْنِينْ جَاكْ
هَا هُوَ لِيكْ طَاحْ الــذُّلّْ
هَا هُوَ لِيكْ الْغَنِي فَرْحَانْ
هَا هُوَ لِيكْ مْعَرِّي قُومَانْ
هَا هُوَ لِيكْ آهْ يَا الاَيَّامْ
*************
الـسَّمْطَة
يَا وَلْفِي رْزَقْ شِي فْشِي وُالدَّايْمْ الله
فَتْحَة فْقَلْبِي بْدَقَّة صْعِيبَة
وَلاَّ نَحْكِي عْلَى حْبَابِي حَالِي يَا مَقْوَاهْ
خْذَاتْهُمْ الغُرْبَة فْصَنَّارَة وُسْبِيبَة
صَارْ الَبْحَرْ جَبَّانّة وُالْحُوتْ جَاهْ عْشَاهْ
الشَّطّْ بْعِيدْ وَالْبُوغَازْ رَاهْ فِينْ رَاهْ
فِينْ غَادِي؟
الدّْرَاعْ عْيَا وُالاَمْوَاجْ قْلِيَبة
لَهْوَاعَة خَذْ الثَّمَنْ وُدَّا الْمَجْدَافْ مْعَاهْ
الْمَرْكَبْ يَغْرَقْ وَالْمُوتْ قْرِيبْ
وَاشْ قْبَلْهَا؟
شَهْدُوا أَحْبَابِي بالله . . .
مَانَا وَحْدَانِي مَانَا بَرَّانِي
أَنَا مُوَاطِنْ وَالسَّمْطَة عْلِيَّا
وَالـجَّنْوِي مَاضِي يَجْرَحْ إِيدَيَّا
الَعْمَارَاتْ عَالْيَة الاَكْوَاخْ مَرْدُومِينْ
الَمْسَابـْحْ دَافْقَة الَفْدَادْنْ مَحْرُوقِينْ
الدَّنْيَا غَادْيَة يَا اهْلِي بْحَالْ الْمَسْكِنْ
أَرْضِي عَاطْيَة كْنُوزْهَا مَفْتُوحِينْ
الُوحُوشْ الضَّارْيَـة انْيَابْهَا مَمْدُودِينْ
شَمْسِي ضَاوْيَة الَبْيُوتْ مَغْمُوقِينْ
بْحُورِي عَامْرَة وُحْنَا جِيعَانِينْ
الدَّنْيَا غَادْيَة يَا اهْلِي بْحَالْ الْمَسْكِينْ
وَالسَّجَانَة حَلُّوا يَا وِينْ بِيبَانْ الاَسْجَانْ
وَالسَّجانَة شَعْلُوا قَنْدِيلْ وُإِيبَانْ النُّورَانْ
وَالسَّجَانَة يَخْرُجْ الْوَلْدْ مَنْ بِينْ الاَكْفَانْ
تـَهْبَى الاَجْمَارْ وَتْزُوَّلْ عْلِيهْ مَنْ صْعُودْ النِّيرَانْ
وَالظَّلْمَانَة يَكْفِى تَعْذِيبْ لِهَاذْ الْعَالَمْ
يَكْفِي هَمَجْ رَاهْ حْنا أَوْلاَدْ الْعَالَمْ
*************
نَاسْ الْمَعْنَى
الله الله يَا نَاسْ الْمَعْنَى اللهْ يَا نَاسْ الْمَعْنَى
نَقْطَعْ وِيدَانْ نَقْطَـعْ جْبَالْ شَامْخَة
نْتِيهْ فَصْحَارِي ضَاجَّة بَرْيَاحْ عَـاتْيَة
يَا شِيخِي فَالْحَالْ جْرَحْنِي حُبّْ النَّاسْ جْرَحْنِي
يَا سِيدِي فَالْحَالْ جْرَحْنِي وُلْفْ النَّاسْ جْرَحْنِي
يَا شِيخِي فَالْحَالْ سُمّ الـْحَيَّة إِيتْدَاوَى
نَبْكِي أَنَا عْلَى فْرَاقْ مُحَمَّدْ مَانِي بَاكي عْلَى بْلاَدْ تْجُورْ عْلِيَّا
الله الله يَا نَاسْ الْمَعْنَى اللهْ يَا نَاسْ الْمَعْنَى
نْغَنِّي أَنَا نْطُوفْ فَبْحُورْ مْعَانِي نَاسْ الْخَاوَة هَاجْ ذَا الْحَالْ عْلِيَّا
نْتَذَكَّرْ أَنَا نْقُولْ الزّْمَانْ إِيحَافِي عَهْدُو دِيمَا إِيجَافِي أَرْوَاحْ سْخِيَّة
الله الله يَا نَاسْ الْمَعْنَى اللهْ يَا نَاسْ الْمَعْنَى
نَبْكِي أَنَا عْلَى الْمَغْدُورْ فَحْيَاتُـو حَرّْ دْمُوعُو فَـاقْ حَرّْ الْكِيَّة
الله الله يَا نَاسْ الْمَعْنَى اللهْ يَا نَاسْ الْمَعْنَى
نَمْشِي وُنْجِي انْتِيهْ فَدْرُوبْ اهْوَالِي عْلِيكْ اللَّعْنَة يَا أَيَّامْ الَخْطِيَّة
الله الله يَا نَاسْ الْمَعْنَى اللهْ يَا نَاسْ الْمَعْنَى
مَا عَادْ حَدّْ يَبْغِي حَدّْ وَلاَ عَادْ حَدّْ يَسْمَعْ حَدّْ
الدُّوخَة هَاذِي وُصْدَاعْكُمْ يَا مَقْوَاهْ
مَا عَادْ حَدّْ يَسْمَعْ حَدّْ
طْرِيقْ الْعَهْدْ طْوِيلَة وَالْمَاشِي فِيهَا قْلِيلْ
كَثْرُو عُشَّاقْ الَكْلاَمْ الْخَاوِي كَثْرُو
الدُّوخَة هَاذِي وُصْدَاعْكُمْ يَا مَقْوَاهْ
*************
وَاشْ حْنَا هُمَا حْنَا
وُشُوفْ الدَّنْيَا هَكْذا دَايْزَة
وُبْنَادْمْ كِيفْ المِيزَانْ طَالْعْ مَرَّة هَابْطْ
إِيعُوفْ الْجَرْيَة الاِيَّامْ فـَايْزَة
وُالعَالَمْ يْدِيرْ مَارَادْ
حُكْمُو شَامَلْ شَرْفَة وُمْرَابَطْ
شُوفْ عَزَّةْ بْنَادْمْ حَايْزَة
الشّْقَا وُالْهَجْرَانْ سَعْدْ بْنَادْمْ فِيهُمْ رَابْطْ
وُشُوفْ الفَرْحَة مْضُوْيَة عَالُوطَانْ
وُالنَّاسْ زَاهْيَة فَرْحَانَة
غِيرْ الاَطْيَارْ فْلِيلْهَا سَهْرَانَة
بَاكْيَة بَنْوَاحْ وُلْدَاتُو الاَحْزَانْ
يَا زِينِي هَكْذَا مَا كَانْ
وَاشْ حْنَا هُمَا حْنَا أَقَلْبِي وُلاَّ مُحَالْ
وَاشْ الدَّنْيَا هَكْذَا أَقَلْبِي وُلاَّ مُحَالْ
مَا نْويتْ الزّْمَانْ يَغَدَرْ وُيَتْبَدَّلْ الْحَالْ
مَا نْوِيتْ النَّاسْ تْبِيعْ عَزّْهَا بَالْمَالْ
يَا نْوَاحْ الطِّيرْ فْالسّْمَا لله شْكُونْ قُولْ لِي
إِيجِي رْسُولْ لِلْخَلْقْ وُإِيجِيبْ السِّلْمْ
تَرْجَعْ الَمْياهْ لِلمَجْرَى لله شْكُونْ قُلْ لِي
إِيقَادْ الاَشْيَاءْ لَلْحُبّْ وُيْزُولْ الْغَمّْ
وَاشْ احْنَا هُمَا احْنَا أَقَلْبِي وُلاَّ مُحَالْ
*************
سَامْحُونِي
نَبْدَا الَكْلاَمْ وُمَا نْقُولْ أَنَا مُولاَهْ
طَالْبْ التَّسْلِيمْ يَا السَّامْعِينْ كَعْ لْهِيهْ
دُومْ يَا كْلاَمْ الْحَقّْ دُومْ
مَنْ الظّْهَرْ طْعَنْتُوا الاَحْرَارْ
وَاللِّي جْرَى رَاكُمْ عَارْفِينُوا
أَرْمِيتُونَا فَالظّْلاَمْ
هَا حْنَا يَا سِيدِي فِي رَدْهَاتُو
شَرَّبْتُونَا الْخَلّْ فْوُضْحْ النّْهَارْ
هَا احْنَا يَا سِيدِي شْرَبْنَاهْ بْذَبَّانَة
صْبَاحْ الْخِيرْ
صْبَاحْ الْخِيرْ يَا سْوَايْعْ زِينَة
مَشْيَة بْلاَ رَجْعَة يَا الْقُومْ الظَّلاَّمَة
يَا عُشَّاقْ الْقَحْطْ
يَا الرَّاغْبِينْ فَدْوَامُو
يَا وْجُوهْ مْحَايَنْ كْثِيرَة
مَشْيَة بْلاَ رَجْعَة يَا الْقُومْ الظَّلاَّمَة
مَشْيَة بْلاَ رَجْعَة يَا الْقُومْ الظَّلاَّمَة
سَامْحُونِي بَسْلاَمَة يَا أَهْلْ الْخِيرْ
سَامْحُونِي تَبْقَاوْا عْلَى خِيرْ يَا احْبَابِي
سَامْحُوا لِي عْيُوبِي سَامْحُوا لِي زَلاَّتِي
سَامْحُونِي يَعْلَمْ الله وِينْ غَادِي
سَامْحُوا لِي خُطْوَاتْ نْعَدّْهَا أَنَا عَثَرَاتْ
سَامْحُونِي يَعْلَمْ الله وِينْ غَادِي
وَايَّاكْ تَنْسَانِي يَا الْمَعْنِي بَحْيَاتِي
وَايَّاكْ تَنْسَانِي يَا الرَّاغَبْ افْهَمْنِي
سَامْحُونِي يَعْلَمْ الله وِينْ غَادِي
سَامْحُونِي يَعْلَمْ الله وِينْ غَادِي
خَيِّي يَا خَيِّي كُنْ عَوْنِي وُكُنْ زَادِي
خَيِّي يَا خَيِّي كُنْ مْعَايَا وُكُنْ زَادِي
خَيِّي يَا خَيِّي رَاهْ الَايَّامْ طْوِيلَة
خَيِّي يَا خَيِّي وَانَا وَحْدِي فْذَا الطّْرِيقْ
خَيِّي يَا خَيِّي احْكُو البَاطَلْ سَاعَة
خَيِّي يَا خَيِّي غْرَقْنَا فَامْوَاجْ التِّيهْ
خَيِّي يَا خَيِّي كُنْ عَوْنِي وَكُنْ زَادِي
ليست هناك تعليقات:
إرسال تعليق